Shımbay rayonı Málimleme-kitapxana orayında «Zakawat» intellektual oyını ótkerildi

Shımbay rayonı Málimleme-kitapxana orayında «Zakawat» intellektual oyını ótkerildi

Shımbay rayonı Málimleme kitapxana orayında, 15-aprel 2026-jıl – Ózbekstan Respublikası Prezidentiniń 2026-jıl 15-yanvardaǵı PQ-9-sanlı qararı tiykarında, elimiz boylap ótkerilip atırǵan «Kitapqumar millet» VI Respublika kitapqumarlıq hápteligi rayonımızda úlken kóterińki ruxta dawam etpekte.
Usı háptelik sheńberinde, 15-aprel kúni Shımbay rayonı Málimleme-kitapxana orayında «Kitap – insannıń eń jaqın dostı hám másláhátshisi, aqıl hám bilim deregi» atamasındaǵı «Zakawat» intellektual oyını shólkemlestirildi.
Ilajda rayonımızdaǵı túrli mákemelerden belsendi jámáátler qatnastı. Atap aytqanda:
Jaslar isleri agentligi rayonlıq bólimi;
Ishki isler bólimi xızmetkerleri;
Rayondaǵı mektep kitapxanashıları;
Kózi ázziler kitapxanası belsendileri qatnastı.
Shımbay rayonı Málimleme-kitapxana orayı tárepinen shólkemlestirilgen bul jarıstıń maqseti kitapqumarlıqtı keń úgit-násiyatlaw, taraw xızmetkerleriniń bilim dárejesin arttırıw hám olar arasında kitaptan paydalanıw mádeniyatın joqarı basqıshqa kóteriw boldı.
Oyın barısında qatnasıwshılar ádebiyat, tariyx hám logikalıq sorawlarǵa juwap berdi. Jarısta joqarı bilim kórsetken jámáátler hám belsendi qatnasıwshılar sıylıqlandı.
Shımbay rayonı Málimleme-kitapxana orayı rayon turǵınların háptelik sheńberinde ótkerilip atırǵan mádeniy-aǵartıwshılıq ilajlarǵa belsene qatnasıwǵa shaqırıp qaladı.

Shımbay rayonı Málimleme-kitapxana orayı Málimleme xızmeti