08Окт-2024
“Jıldıń eń jaqsı Màlimleme-kitapxana qánigesi” kórik tańlawı
2024 — jıl 7 — oktyabr kúni Qaraqalpaqstan Respublikası Màlimleme-kitapxana orayında Agentlik sistemasındaǵı Màlimleme-kitapxana mákemeleri qánigeleri arasında ótkeriletuǵın “Jıldıń eń jaqsı màlimleme-kitapxana qánigesi” kórik tańlawınıń aymaqlıq basqıshı ótkerildi.
2024- jıl 7-oktyabr kúni Ózbekstan Respublikası Ministrler Kabineti tárepinen Màlimleme hám ǵalabalıq kommunikatsiyalar agentligi hám Alisher Nawayı atındaǵı Ózbekstan Milliy kitapxanasınıń Màlimleme-kitapxana mákemeleri xızmetin hám de olarda xızmet kórsetip atırǵan xızmetkerlerdi qollap-quwatlaw, xalıq arasında kıtapqumarlıqtı keń en jaydırıw, kıtapqumarlıq mádeniyatın jáne de arttırıw, xalıqqa zamanagóy hám sapalı màlimleme — kitapxana xızmeti kórsetiwdi en jaydırıw maqsetinde, Agentlik sistemasındaǵı Màlimleme-kitapxana mákemeleri qánigeleri arasında “Jıldıń eń jaqsı màlimleme-kitapxana qánigesi” kórik tańlawınıń aymaqlıq basqıshı bolıp ótti.
Tańlawdı Qaraqalpaqstan Respublikası Màlimleme-kitapxana orayı qánigesi D. Tajetdinova hám alıp bardı. Tańlaw basında Qaraqalpaqstan Respublikası Màlimleme-kitapxana orayı direktorı I. Sharapova sózge shıǵıp “Jıldıń eń jaqsı Màlimleme-kitapxana qánigesi” kórik tańlawı qaǵıydası hám kórik tańlaw áhmiyeti boyınsha maǵlıwmat berip ótti. Bunnan keyin Alisher Nawayı atındaǵı Ózbekstan Milliy kitapxanası Milliy ulıwma bilimlendiriw elektron kitapxana orayı baslıǵı A. Kattabekov sózge shıǵıp, kórik-tańlawdıń aymaqlıq basqıshında qatnasıwshılar dizimin járiyaladı hám 1-basqısh nátiyjeleri menen tanıstırıp ótti.
Kórik tańlawda 18 màlimleme-kitapxana qánigeleri qatnastı. Qatnasıwshılardıń I hám II — aymaqlıq basqıshında tóplanǵan ulıwma balları boyınsha tańlawda 1-orındı Qaraqalpaqstan Respublikası Màlimleme-kitapxana orayı ulıwma oqıw zalı sektor baslıǵı Uteniyazova Bolǵanay, 2-orındı Qaraqalpaqstan Respublikası Màlimleme-kitapxana orayı Màlimleme-kitapxana fondların jàmlew xızmeti baslıǵı Ametova Saltanat hám 3-orındı Qaraqalpaqstan Respublikası Nókis rayonı Màlimleme-kitapxana orayı Màlimleme-kommunikatsiya texnologiyaları hám raqamlastırıw xızmeti baslıǵı Salimov Erpolat iyeledi. Tańlaw sońında tóreshiler baslıǵı Màlimleme hám ǵalabalıq kommmunikatsiyalar agentliginiń Qaraqalpaqstan Respublikası basqarması sektor basshısı B. Erejepov jeńimpazlardı qutlıqladı hám Qaraqalpaqstan Respublikası màlimleme-kitapxana orayı tárepinen berilgen Diplom hám sıylıqlardı tapsırdı. “1-orın jeńimpazı Uteniyazova Bolǵanay Respublika basqıshında qatnasıw ushın jollanba alıp, sonıń menen birge jeńimpazlar jıl dawamında stependiya menen xoshametlenedi.